Дзюдодан әлем чемпионатына Елдос Сметов баратын болды
13.05.2024, 19:15
Аталған жарысқа Қазақстан толық құрамда қатысады
olympic.kz
Дзюдодан Абу-Дабиде өтетін әлем чемпионатына қатысатын Қазақстанның ерлер құрамасы анықталды.
19-24 мамыр аралығында өтетін сынға отандық татами шеберлері толық құрамда қатысады. Олардың қатарында әлемдік рейтингте 26-шы орында тұрған Елдос Сметов те бар.
- 60 келі: Нұрқанат Серікбаев, Елдос Сметов
- 66 келі: Ғұсман Қырғызбаев, Жанарыс Рахметқали
- 73 келі: Данияр Шамшаев, Бақытжан Әбдірахманов
- 73 келі: Дархан Қойбағар (аралас командалық жарыс)
- 81 келі: Абылайхан Жұбаназар
- 90 келі: Айдар Арапов (аралас командалық жарыс)
- 100 келі: Нұрлыхан Шархан
- +100 келі: Ерасыл Қажыбаев
Кеше Астанада аяқталған Qazaqstan Barysy Grand Slam додасында Ғалия Тынбаева 48 келіде чемпион атанған болатын. Ал Елдос Сметов (-60 кг), Бақытжан Абдурахманов (-73 кг) және Абылайхан Жұбаназар (-81 кг) қола жүлдеге қол жеткізді.
Сондай-ақ, аталған әлем чемпионатына қатысатын Қазақстан әйелдер құрамасының тізімі жарияланды. Олардың қатарында Абиба Әбужақынова мен Кәмила Берліқаш сынды белгілі дзюдошылар бар.