Бибісара Асаубаева Тбилисиде өткен Гран-приде екінші орын алды

Қазақстандық шахматшы Бибісара Асаубаева Тбилисиде (Грузия) әйелдер арасында өткен ФИДЕ Гран-приінде екінші орын алды.

Асаубаева турнирді 5,5 ұпаймен аяқтады – ол екі рет жеңіске жетіп, жеті рет тең ойнады. Бірінші орынды 6 ұпаймен Польша өкілі Алина Кашлинская иеленді – үш жеңіс және жеті тең ойын. Үздік үштікті 5 ұпай алған грекиялық шахматшы Ставрула Цолакиду түйіндеді – бір жеңіс және сегіз тең ойын.

Айта кетейік, Бибісара Асаубаева – блицтен екі дүркін әлем чемпионы. Ол 2021 және 2022 жылдардағы әлем біріншіліктерінде топ жарған. Сонымен қатар, 2021 жылы осы жарыс түрінен жеңіске жеткен ең жас шахматшы атанды.