Сәбина Алтынбекова Қазақстаннан кетеді
31.10.2024, 15:32
Ол «Yogya Falcons» клубының намысын қорғайды
facebook.com/s.altynbekova.official
Волейболшы енді шетелдік клубта өнер көрсетеді. Қазақстандық волейболшы Сәбина Алтынбекова карьерасын алдағы маусымда Индонезияда жалғастырады.
Спортшының сөзіне қарағанда, ол «Yogya Falcons» клубының намысын қорғайды.
«Құрметті менің оқырмандарым, мен Пролига 2025-те ойнау үшін «Yogya Falcons» волейбол клубымен келісімшартқа отырғанымды хабарлап, қуанышты жаналығымен бөліскім келіп отыр. Командаластарыммен және барлық индонезиялық волейбол жанкүйерлерімен кездесуді асыға күтудемін. Жақын арада көріскенше», - деп жазды ол.