Зарина Диас Оңтүстік Кореяға қарсы ойында бірінші болып шығады
15.11.2024, 21:44
Билли Джин Кинг Кубогының плей-офф кезеңінің жеребесі тартылды
ҰОК
Астанада Қазақстан және Оңтүстік Корея құрамалары арасындағы Билли Джин Кинг Кубогының плей-офф кезеңінің жеребесі тартылды.
16 қараша күні сағат 13:00-де алғашқы ойын өтеді, онда Зарина Диас кореялық Да Ен Бакпен кездеседі. Бұл матч аяқталғаннан кейін Елена Рыбакина Сон Хен Пакқа қарсы ойнайды.
17 қараша күні сағат 12:00-де Елена Рыбакина Да Ен Бакпен ойнайды, ал одан кейін Зарина Диас Сон Хен Пакпен кездеседі. Қажет болған жағдайда, жұптық ойында Анна Данилина мен Жібек Құламбаева Ку Ен Ву мен Дабин Кимге қарсы өнер көрсетеді.