Қазақстан дзюдошыларының рейтингтегі ұпайы белгілі болды
Олардың басым көпшілігі рейтингте төмендеген
Дзюдодан әлемдік рейтингте қазақстандық спортшылардың көрсеткіші өзгеріссіз қалды.
Париж Олимпиадасынан кейін арада бірнеше ірі турнирден кейін әлемдік рейтинг жаңартылды. Алайда, Қазақстан құрамасының спортшыларының арасында тек Елдос Сметов қана үздік бестікке енген.
60 келіде Елдос Сметов Париж Олимпиадасындағы нәтижесі бойынша бесінші орында тұр. Ал осы салмақта Нұрқанат Серікбаев – 16, Мағжан Шамшадин 23 орынға жайғасты.
66 келіде Ғұсман Қырғызбаев бір саты төмендеп 14-орынға тұрақтаса, 73 келіде Данияр Шамшаев 24-сатыда келеді. 81 келіде Абылайхан Жұбаназар – 14, 90 келіде Айдар Арапов – 77, -100 келіде Нұрлыхан Шархан – 24, Ислам Бозбаев – 39, +100 келіде Ерасыл Қажыбаев 32-орын тұр.
Ал әйелдер арасында Абиба Әбужақынова үшінші орынға көтерілсе, Ғалия Тынбаева 11-орынға төмендеді. 57 келіде Севара Нышанбаева – 90, 63 келіде Есмигүл Құйылова 42 орынға қарай құлдырады. -78 келіде Аруна Жангелдина – 44, +78 келіде Кәмила Берліқаг 1 саты төмендеп, 26-орынға жайғасты.