Футзалдан Қазақстан құрамасы әлемнің үздік ұжымы атағына үміткер
Басты үміткерлер қатарында Бразилия мен Аргентина бар
Футзалдан Қазақстан құрамасы ұлттық ұжымдар арасында үздік команда атағына үміткерлер тізіміне енді. 2024 жылы Кака шәкірттері Ташкентте өткен әлем чемпионатында кішігірім сенсация жасаған болатын.
Futsal Planet номинациясында Қазақстан – ерлер арасында үздік ұлттық құрама атағына үміткер. Сонымен қатар, бұл тізімге мына құрамалар енген: Аргентина, Аргентина U-20, Бразилия, Франция, Индонезия, Иран, Марокко, Таиланд және Украина.
2024 жылы Қазақстан құрамасы Өзбекстанда өткен әлем чемпионатының ширек финалына дейін жетіп, өз жолында бұрынғы әлем чемпионы Португалияны ұтқан. Ал жеңімпаз атағы финалда Аргентинаны ұтқан Бразилияға бұйырды.
Бұдан бөлек, Қазақстан құрамасы УЕФА рейтингінде Португалиядан кейінгі екінші орында тұр.