Ираннан қашқан танымал дзюдошы әкесінің жаназасына қатыса алмады
Дзюдошы Иран билігінің репрессиясына ұшыраған
2019 жылы Токиода өткен әлем чемпионатынан кейін Германияға қашқан Иран дзюдошысы Саед Моллаеи әкесінен айрылды. Бұл туралы спортшы әлеуметтік желіде жазба жариялады.
«Сенің өмірден өткеніңе сенбеймін. Сені ойлаймын, әке! Сенің жаның мәңгілік бақытты болсын!», - деп жазды дзюдошы.
Бүгінде Әзірбайжаннан пана тапқан спортшы 2019 жылы әлем бірінішілігінң жартылай финалында Израиль балуанымен күресуі мүмкін болған еді. Алайда ол ширек финалға шыққан сәтте ел билігінің өкілдері оған белдесуде жеңілуді талап етті. Спортшының өзі елдің спорт министрі хабарласып, егер жартылай финалға шығатын болса, отбасына қауіп төнетінін ескерткен. Осыдан кейін ширек финалда амалсыз ұтылған ол соңынан Еуропаға қашып, кейін Моңғолия азаматтығын алды.
Саед Моллаеи Токиода өткен Олимпиада ойындарында 81 келіде күміс жүлдегер атанды. Кейін ол Әзірбайжанға ауысып, сол елдің азаматығын алды. Алайда Парижде өткен ойындардан тыс қалды.
Парсы дзюдошысы елден қашып кеткеннен кейін Халықаралық дзюдо федерациясы Иранның федерациясына дисквалификация жариялап, жарыстардан бірнеше жылға дейін шеттетті. Қазір ол Иран билігінің репрессиясына ұшыраған. Соның салдарынан ол әкесінің жаназасына қатыса алған жоқ.