«Елдің батырысыз»: Сәкен Бибосынов Әлішер Ерғалиға шапан жапты

Бокстан Токио Олимпиадасының қола жүлдегері Сәкен Бибосынов еркін күрес балуаны Әлішер Ерғалиға құрмет көрсетті. Белгілі спортшы өз шаңырағына қонақ шақырып, меймандарына ерекше ілтипат білдірген.

«Екі Олимпиадаға қатысып, ел намысын қорғаған ел батырысыз. Сізге құрмет», - деді Сәкен Бибосынов.

Мұндайды күтпеген Әлішер Ерғали спорттағы әріптесіне алғысын білдіріп, оқиға туралы бейнежазбаны желіде жариялады.

Айта кететін жайт, Сәкен Бибосынов Париж Олимпиадасында ширек финалға дейін жеткен еді. Сондай-ақ, ол желтоқсан айында Таиландта өткен Азия чемпионатында жүлдесіз қалды. Кейін боксшының ауыр жарақат алып, күрделі ота жасатқаны белгілі болды.