Винокуров жол апатына ұшырады

Грекиядағы жарыстарға дайындық барысында Александр Винокуровтың ұлы жол апатына ұшырады. Бұл туралы «XDS Astana Development Team» командасы хабарлады.

Ол бұрылыстан кенеттен шыққан автокөлікпен соқтығысып қалған.

Медициналық тексеріс нәтижесінде оның оң жақ жамбасы сынғаны анықталды. Жақын арада Александрға жамбас сүйегіне операция жасалады, содан кейін ол қалпына келу кезеңінен өту үшін Францияға жіберіледі.

«Қазіргі уақытта спортшының жағдайы тұрақты. Команда оған қажетті барлық қолдауды көрсетуде және тез сауығып кетуін тілейді» , - деп мәлімдеді XDS Astana командасының баспасөз қызметі.