Қазақстанның екінші ракеткасы Бейбіт Жұқаев АҚШ-тағы турнирді жеңіспен бастады
08.11.2023, 17:40
Бұған дейін Жұқаев Шарлотсвилл турнирінде жеңіске жетіп, өзінің әлемдік рейтингтегі орнын жаңартқан
Фото ашық дереккөзден
Әлемдік рейтингте 195-ші орынға тұрақтаған еліміздің 2-ші ракеткасы Бейбіт Жұқаев Ноксвилл (АҚШ) турнирінің екінші кезеңіне өтті. Отандасымыз халықаралық жарыстың іріктеу кезеңінде Франция теннисшісі Титуан Дрогені (165) ұтты.
Ноксвилл челленджерінің 6-шы ракеткасы саналатын спортшыдан Бейбіт Жұқаев 2:0 (6:4, 6:1) есебімен басым түсті.
Аталған турнирдің 1/8 финалында қазақстандық теннисші әлемдік рейтингте 497-орында тұрған америкалық Нишеш Басавареддимен шеберлік байқасады.
Бұған дейін Жұқаев Шарлотсвилл турнирінде жеңіске жетіп, өзінің әлемдік рейтингтегі орнын жаңартқан еді.