Әмір Омарханов Қытайдағы турнирдің жеңімпазы атанды
06.10.2024, 15:43
Енді ол әлемдегі ТОП-10 теннисшінің қатарына кіреді
әлеуметтік желі
Қытайда жасөспірімдер арасында өтіп жатқан екінші санаттағы ITF Juniors - J300 WANJU турнирі өз мәресіне жетті. Қазақстанның 18 жасқа дейінгі бірінші ракеткасы, жасөспірімдер арасында әлемінің 15-ші ракеткасы Әмір Омарханов финалда ұлыбританиялық Оливер Бондингті (19 ITF Juniors) жеңді.
Бірінші сет тай-брейкте Бондинг алға шықты, алайда қазақ теннисшісі соңғы екі партияны 6:0 және 6:4 есебімен аяқтап, жеңіске жетті.
Бұл – Әмірдің ITF Juniors турнирлеріндегі алтыншы кубогы. Бұған дейін қарағандылық теннисші Таиландта (J300), Кореяда (J300), Египетте (J100), Грузияда (J60) және туған Қарағандыда (J60) өткен жарыстарда топ жарған еді.