Елена Рыбакина Қазақстанға кезекті жеңісін алып келді
Қазақстан құрамасының жартылай финалға шығуына бір қадам қалды
Аустралияда өтіп жатқан United Cup-2025 турнирінің ширек финалында Қазақстан – Германия кездесуінің бірінші матчы Елена Рыбакина мен Лаура Зигемунд арасында өтті. Огтандасымыз қарсыласын еш қиындықсыз, ойсырата жеңді, есеп – 6:3, 6:1.
Айта кету керек, Рыбакина WTA рейтингінде алтыншы сатыда тұрса, Зигемунд сексенінші орында келеді. Енді Қазақстан құрамасының тағы бір теннисшісі жеңіске жетсе, біздің ұлттық құрама жартылай финалға шығады. Қазақстан құрамында Рыбакинадан бөлек Александр Шевченко, Жібек Құламбаева, Дмитрий Попко және Александр Недовесов бар
Ал, Елена Рыбакина аталған турнирде үш матч өткізіп, бәрінде жеңіске жетті. Алғашқы кездесуде испан теннисшісі Джессика Бусас Манейродан басым түссе, екінші матчта грек Мария Саккариді жеңді.