Құрама сапынан алғашқы жеңіліс тіркелді.
Қазақстандық боксшы Ерасыл Жақпеков Дубайда (БАӘ) өтіп жатқан Халықаралық бокс қауымдастығы (IBA) ұйымдастырған әлем чемпионатында екінші кездесуін өткізді.
1/8 финалда 80 келі салмақ дәрежесінде сынға түскен Жақпеков турнирдің фавориттерінің бірі саналатын ресейлік Джамбулат Бижамовпен айқасты. Үш раундқа созылған тартысты жекпе-жекте қазақстандық боксшы соңғы раундта қарсыласын нокдаунға түсіргенімен, төрешілер жеңісті Бижамовқа берді. Кездесу 1:4 есебімен аяқталды.
Осы нәтижеден кейін Ерасыл Жақпеков әлем чемпионатындағы жорығын аяқтады. Ал 2021 жылғы әлем біріншілігінің күміс жүлдегері Бижамов жарыстың ширек финалына жолдама алды.
Бұл жеңіліс – Қазақстан құрамасы үшін чемпионаттағы алғашқы сәтсіздік. Бұған дейін ұлттық команда өкілдері қатарынан 12 жекпе-жекте жеңіске жетіп, жоғары қарқын көрсеткен еді.
Айта кетейік, Қазақстан әлем чемпионатында барлық 13 салмақ дәрежесінде бақ сынап жатыр. Дубайдағы байрақты бәсеке 13 желтоқсанға дейін жалғасады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
