Бұл - оның әлем чемпионатындағы екінші айқасы.
Қазақстандық боксшы Серік Теміржанов Дубайда (БАӘ) өтіп жатқан IBA әлем чемпионатында ширек финалға шықты.
60 келі салмақ дәрежесінде жұдырықтасқан Серік бұл жолы замбиялық Эндрю Чилатамен қолғап түйістірді. Жерлесіміз қарсыласын екінші раундта нокаутқа жіберіп, жарқын жеңіске қол жеткізді.
2021 жылғы әлем біріншілігінің күміс жүлдегері, биылғы Қазақстан чемпионы Теміржанов осы нәтижемен ширек финалға жолдама алды. Ал Чилата үшін жарыс осы кезеңде аяқталды.
Айта кетейік, Серік турнирдің алғашқы кезеңінде моңғолиялық Цэндбаатар Эрдэнэбатты 5:0 есебімен айқын басымдықпен ұтқан еді.
IBA әлем чемпионаты 13 желтоқсанға дейін жалғасады. Турнирдің жалпы жүлде қоры – 8,32 миллион доллар.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
