Қазақстанның кәсіпқой бокс федерациясы мәлімдеме жасады
Қазақстанның кәсіпқой бокс федерациясы Жәнібек Әлімханұлының ісіне қатысты тәртіптік тыңдаудың өтетін күнін ресми түрде хабарлады.
Федерация мәліметінше, тыңдау 2026 жылғы 19 қаңтарға белгіленген. Өткізу уақыты мен орны белгіленген тәртіпке сәйкес барлық мүдделі тараптарға қосымша хабарланатын болады.
Ведомство істің қаралуы қолданыстағы регламенттерге, процестік әділдік қағидаттарына, кінәсіздік презумпциясына және халықаралық антидопингтік стандарттарға қатаң түрде сәйкес жүзеге асатынын атап өтті. Осыған байланысты түпкілікті шешім шыққанға дейін қандай да бір алыпсатарлыққа немесе жария түрде қорытынды жасауға жол берілмейтіні айтылды.
Түпкілікті шешім шығарылғанға дейін кез келген алыпсатарлық пен жария түрде қорытынды жасауға жол берілмейді деп санаймыз, – деді Кәсіпқой бокс федерациясының президенті Рахимжан Ерденбеков.
Федерация өз жұмысында спорттың тазалығын сақтау, спортшылардың құқықтарын қорғау және институционалдық егемендікті қамтамасыз ету қағидаттарын дәйекті түрде ұстанатынын жеткізді.
Барлық кейінгі процестік қадамдар туралы ақпарат ресми түрде жарияланатын болады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
