Тағы бір қандасымыз жарысты ширек финалдан аяқтады
Бокстан Өзбекстан чемпионатының ширек финалдық жекпе-жектері өтіп жатыр. Аталған жарысқа ұлты қазақ 15 боксшының қатысып жатқанын бұған дейін жазған болатынбыз. Олардың екеуі жартылай финалға шығып үлгерді.
Атап айтқанда, 54 келідегі Сабыржан Тастанов 1/4 финалда өзбек Аббдумутал Хабибуллаевты жеңіп (3:2) чемпиондыққа бір табан жақындады. Ал, 60 келідегі Мадияр Данияров Нурбек Кодировты 5:0 есебімен айқын жеңді.
Ал, 67 келі салмақ дәрежесінде өнер көрсеткен Ғанибек Мұратқасымов болса ширек финалдан ары аса алмады. Ол Бобурбек Бободжановтан таза жеңілді (0:5).
Өзбекстан чемпионатында бағын сынап жатқан қазақтардың арасында ұлттық құрама мүшелері Мадияр Сайдрахимов пен Руслан Абдуллаев та бар.
