Оның пікірінше, Жәнібек келесі чемпиондық титулды Адаместен тартып алуы керек
Бокс әлеміндегі танымал агент және инсайдер – америкалық Рик Глейзер орта салмақта WBO және IBF тұжырымдары бойынша әлем чемпионы Жәнібек Әлімханұлына кіммен жұдырықтасу керек екенін айтты.
Оның пікірінше, қазақ боксшысы дәл қазір орта салмақтың королі. Оны бұл дивизионда жеңе алатын боксшы жоқ көрінеді.
«Адамес пен Шираздың жекпе-жегінен кейін орта салмақтың королі деп Әлімханұлын айта аламыз ба? Әрине, айта аламыз. Нағыз король. Оған жаңа белбеу үшін Ларамен емес, Адамеспен жекпе-жек өткізу керек. Ширазды да сызып тастауға болмайды, ол келер жолы міндетті түрде чемпиондық титулын алады», - деді Глейзер Legalbet.kz тілшісіне берген сұхбатында.
Еске салайық, Карлос Адамес (24-1-1) пен Хамза Шираз (20-0-1) арасындағы жекпе-жек 23 ақпанда өтіп, тең аяқталды. Адамес өзінің чемпиондық белбеуін сақтап қалса, Шираз рекордындағы нөл статистикасын бұзбады.
Жәнібек Әлімханұлы болса қос титулын 5 ақпанда Астанада қорғайды. Бұл жолғы оның қарсыласы франциялық Анауэль Нгамиссенге болмақ.
