Футболшының сынамасы 27 қазанда қайта тексеріледі
Италиялық жартылай қорғаушы Жоржиньоның допинг сынамасынан тыйым салынған зат табылуы мүмкін. Бразилиялық «Фламенго» клубында өнер көрсететін футболшының сынамасы оң нәтиже көрсеткенін Pilhado басылымы хабарлады.
Мәліметке сәйкес, сынама Оңтүстік Америка футбол конфедерациясы (КОНМЕБОЛ) ұйымдастырған тексеру барысында алынған. Алайда талдау кезінде қандай зат анықталғаны әзірге жарияланған жоқ.
Футболшының сынамасы 27 қазанда қайта тексеріледі. Егер ереже бұзылғаны расталса, 34 жастағы ойыншы алты айдан екі жылға дейін футболдан шеттетілуі мүмкін. Дегенмен, түпкілікті шешім қайта талдау нәтижесіне байланысты болады.
Айта кетейік, Жоржиньо 2025 жылдың жазында Лондонның «Арсенал» клубынан кеткеннен кейін «Фламенгоға» қосылды. Бұған дейін ол «Челси», «Наполи» және «Верона» командаларында ойнаған.
Италия құрамасы сапында Жоржиньо Еуропа чемпионатының 2020 жылғы жеңімпазы атанды. Ал «Челсимен» бірге 2020/21 жылғы маусымда Чемпиондар лигасын жеңіп алды. Оның «Фламенгомен» келісімшарты 2028 жылдың маусымына дейін жарамды.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Каспий
Жеңіс
Қызылжар
Атырау
Ертіс
Жетісу
Алтай
Қайсар
