Финалға шыққаны үшін 52 890 еуро мен 165 рейтингілік ұпайға иелік етіп отыр
Қазақстанның бірінші, әлемнің 34-ракеткасы Александр Бублик Гштаад (Швейцария) ATP 250 турнирінің финалына өтті.
Жарыстың екінші ракеткасы болып тіркелген отандық теннисші жартылай финалда әлемдік рейтингіде 116-орында тұрған франциялық Артур Казомен шеберлік байқасты.
Бірінші партияда Бублик екі рет брейк жасап, айқын басымдық танытты – 6:1. Екінші сетте есеп 5:5 кезінде қазақстандық спортшы брейк жасап, матчты жеңіспен түйіндеді – 7:5. Кездесу бір сағат 12 минутқа созылды.
Осылайша, қазақстандық теннисші финалға шыққаны үшін 52 890 еуро мен 165 рейтингілік ұпайға иелік етіп отыр.
Александр Бублик финалда әлемнің 109-ракеткасы аргентиналық Хуан-Мануэль Серундоломен чемпиондық атақты сарапқа салады. Аргентиналық тоғыз ойынның сегізінде жеңіске жеткен және бұл оның қатарынан екінші финалы.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
