Рыбакина маусымның басты жарысы – WTA Finals турнирінде топ жарған еді
Қазақстанның бірінші нөмірлі теннисшісі, әлемнің 5-ракеткасы Елена Рыбакина бір турнир үшін алынған ең ірі гонорар бойынша жаңа тарихи рекорд орнатып, Гиннестің рекордтар кітабына ресми түрде енді. Бұл туралы ұйымның баспасөз қызметі хабарлады.
Рыбакина маусымның басты жарысы – WTA Finals турнирінде топ жарып, бір апта ішінде жеңіліссіз өткен жолының арқасында 5,235 миллион доллар (шамамен 2,7 млрд теңге) сыйақы алды. Бұл – әйел теннисіндегі бір турнир үшін берілген ең үлкен жүлде.
Бұған дейінгі рекорд әлемнің бірінші ракеткасы Арина Соболенко мен ATP көшбасшысы Карлос Алькарасқа тиесілі болған. Олар 2025 жылғы АҚШ ашық чемпионатында (US Open) жеңіске жетіп, 5 миллион доллардан алған еді.
Айта кетейік, WTA Finals финалында Елена Рыбакина әлемнің бірінші ракеткасы Арина Соболенконы сенімді түрде жеңіп, мансабындағы ең ірі жетістіктерінің біріне қол жеткізді. Бұл оның 2022 жылғы Уимблдондағы тарихи триумфынан кейінгі екінші ең үлкен титулы.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
