Германия бас бапкерінің ассистенті судьялар бөлмесіне басып кіріп, бас төрешіні балағаттады

Футболдан Еуропа чемпионатының ширек финалында Испаниядан жеңіліп қалған Германия құрамасы бас бапкерінің көмекшісі Сандро Вагнердің басы дауда қалды. Ол матчтан кейін судьялар бөлмесіне басып кіріп, бас төрешіні боқтық сөздермен «жағадан алған» деп жазады Bild басылымы.

Айта кетейік, аталған матчтың негізгі бөлігі 1:1 есебімен тең аяқталып, овертаймда испандықтардың мерейі үстем болған. Ал, судья Энтони Тейлор 106-минутта Марку Кукурельяның қолына доп тигеніне қарамастан Испания қақпасына пенальти белгілемеді.

УЕФА-ның Сандро Вагнерге қатысты қандай шара қолданатыны әзірге белгісіз. Энтони Тейлор да әлі оның үстінен шағым түсірмеген.