Қазақ боксшылары Азия ойындарындағы алғашқы қарсыластарын білді

Алия Алиева

Автор

Бүгін, 13:51

Бірқатар отандасымыз жарысты екінші айналымнан бастайды

instagram.com/boxingkazakhstan

Жапонияның Аичи және Нагоя қалаларында өтетін 2026 жылғы Азия ойындарының бокс турниріне жеребе тартылды. Нәтижесінде Қазақстан құрамасы мүшелерінің алғашқы қарсыластары анықталды.

Бокс бәсекелері 21 қыркүйек пен 2 қазан аралығында өтеді. Қазақстан барлық 11 салмақ дәрежесінде - ерлер арасында алты, әйелдер арасында бес боксшымен бақ сынайды.

Бірқатар отандасымыз жарысты келесі айналымнан бастайды. Олардың қарсыластары алғашқы кезеңдегі кездесулерден кейін белгілі болады.

Ерлер:

55 келіге дейін: Махмұд Сабырхан - Мұхаммед Каземи (Иран) мен Чон Со (Солтүстік Корея) жұбының жеңімпазы;
60 келіге дейін: Оразбек Асылқұлов - Джун Лин (Қытай Тайбэйі) мен Дон Джанг (Оңтүстік Корея) кездесуінің жеңімпазы;
70 келіге дейін: Төрехан Сабырхан - Нгуиен Д. (Вьетнам) мен Мұхаммед Дбичи (Катар) жұбының жеңімпазы;
80 келіге дейін: Сабыржан Аққалықов - Ким Минс (Оңтүстік Корея);
90 келіге дейін: Нұрбек Оралбай - Мұхаммед Нуури (Ауғанстан);
90 келіден жоғары: Айбек Оралбай - Мырзакир Қошалиев (Қырғызстан) пен Довлен Исламов (Түрікменстан) кездесуінің жеңімпазы.

Әйелдер:

51 келіге дейін: Алуа Балқыбекова - Сакши (Үндістан) мен Вильегас (Филиппин) жұбының жеңімпазы;
54 келіге дейін: Назым Қызайбай - Суа Жао (Қытай);
60 келіге дейін: Виктория Графеева - Линь Юй-Тинь (Қытай Тайбэйі);
65 келіге дейін: Аида Әбікеева - Таманг (Непал) пен Ли Шу (Қытай) кездесуінің жеңімпазы;
75 келіге дейін: Наталья Богданова - Азиза Зокирова (Өзбекстан).

Жеребе қорытындысы бойынша Сабыржан Аққалықов, Нұрбек Оралбай, Назым Қызайбай, Виктория Графеева және Наталья Богданованың алғашқы қарсыластары бірден анықталды. Қалған алты қазақстандық боксшы келесі кезеңде жекпе-жекке шығады.