Әлем чемпионатының финалында Сметовпен күрескен дзюдошыға марапат берілді
20.11.2024, 10:21
Ол кезінде болашақ Олимпиада чемпионы Наохиса Такатоны айқын жеңген еді
Қазақстан дзюдо федерациясы
Дзюдодан әлем чемпионатының күміс жүлдегері Рустам Ибраевқа «Дзюдо тарланы» төсбелгісі табысталды. Аталған марапатты ҚР дзюдо федерациясының атқарушы директоры Айбек Имашев тапсырды.
Бұл төсбелгі Ибраевқа ел дзюдосына қосқан үлесі үшін беріліп отыр. Рустам Ибраев 2015 жылы Астанада өткен әлем чемпионатында күміс жүлдегер атанған еді. Ол финалда Елдос Сметовпен белдесіп, нәтижесінде шидо саны бойынша ұтылды.
Сонымен қатар, Ибраев халықаралық көптеген жарыста жүлде алды. Ол Германияда өткен Гранд Слэм турнирінде болашақ Олимпиада чемпионы Наохиса Такатоны айқын жеңген еді.
Бүгінде белгілі балуан Ақтөбе облысының дзюдо федерациясында вице-президент қызметін атқарады.
Жарнама
Жарнама