Ол елімізге қаңтарда келген.
Қаңтар айында бокстан Өзбекстан құрамасы сапында өнер көрсететін этникалық қазақ Саят Ілиясовтың Қазақстанға ауысып, спорттық мансабын атажұртында жалғастырғысы келетіні туралы жаңалық кеңінен тараған болатын.
Алайда екі ай өтсе де, Саят Ілиясов Қазақстан атынан ешбір турнирде рингке шыққан жоқ. Ал оның себебін Қазақстан бокс федерациясының атқарушы директоры Рауан Игенев Sportarena.kz сайтына берген жауабында түсіндірді.
«Боксшының Маңғыстау облысының атынан өнер көрсеткісі келетінін білеміз. Ол біздің боксшылармен бірге оқу-жаттығу жиындарына да қатысқан. Бірақ ең алдымен Саят Қазақстан азаматтығын алуы керек және Қазақстан бокс федерациясына қажетті құжаттарды тапсыруы тиіс.
Сонымен қатар өзін іс жүзінде дәлелдеуі қажет, яғни Қазақстан чемпионатында жүлдегерлер қатарына енуі керек. Биыл ел чемпионаты қазан-қараша айларында өтеді. Сондықтан осы уақытқа дейін құжат мәселесін шешіп, турнирге дайындалуға мүмкіндігі бар», – деді Рауан Игенев.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
