Енді ол финалға шығу үшін түркиялық Мирай Догрумен кездеседі
Қазақстандық боксшы Зарина Толыбай Черногорияның Будва қаласында өтіп жатқан жасөспірімдер арасындағы әлем чемпионатының жартылай финалына жолдама алды.
80 келіден жоғары салмақ дәрежесінде сынға түскен Толыбай ширек финалда Тувалу өкілі Френцис Таафакімен кездесіп, қарсыласын екінші раундта техникалық нокаутпен жеңді. Жекпе-жек барысында төреші қарсыласына үш рет, ал қазақстандық боксшыға бір рет нокдаун санады.
Осы жеңістің арқасында Зарина Толыбай әлем чемпионатының кемінде қола жүлдесін қамтамасыз етті.
Айта кетейік, Зарина Толыбай — жасөспірімдер арасындағы Азия чемпионатының қазіргі чемпионы. Енді ол финалға шығу үшін түркиялық Мирай Догрумен кездеседі.
Будвада өтіп жатқан әлем чемпионаты 27 қазанда аяқталады. Турнирге 69 ұлттық федерациядан 474 боксшы қатысып жатыр.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Каспий
Жеңіс
Қызылжар
Атырау
Ертіс
Жетісу
Алтай
Қайсар
