Әлімханұлы даниялық Якоб Банкпен бос тұрған WBO белбеуі үшін өтетін жекпе-жекке дайындалып жатыр
Қазақстандық кәсіпқой боксшы Жәнібек Әлімханұлы мексикалық Сауль «Канело» Альварестің өзімен жекпе-жек өткізуге келісетініне күмән келтірді.
Отандасымыздың пікірінше, мексикалық боксшы әлемдегі ең үздік қарсыласпен жұдырықтасудан жалтарады.
«Бұл жекпе-жекті асыға күтіп жүрмін! Канело да, оның командасы да мені жақсы біледі. Алайда олар ғаламшардағы ең үздік боксшымен жұдырықтасуға келісе қояды деп ойламаймын. Егер келіссе, бұл жекпе-жекті бүкіл әлем тамашалайды», – деді Әлімханұлы.
Қазақстандық боксшы екінші орта салмақтағы WBO чемпиондық белбеуін жеңіп алған жағдайда «Канеломен» супер жекпе-жек өткізу мүмкіндігі туады деп үміттенеді. Ол мексикалықты бұл салмақ дәрежесіне ауыспай тұрып-ақ айқасқа шақырған еді. Жуырда Альварес Сауд Арабиясында Кристиан Мбиллиді жеңіп, WBC чемпионы атанды.
Қазір Жәнібек Әлімханұлы даниялық Якоб Банкпен бос тұрған WBO белбеуі үшін өтетін жекпе-жекке дайындалып жатыр. Бұған дейін бұл титулға таласуы тиіс болған ұлыбританиялық Хамза Шираз кездесуден бас тартқан.
Якоб Банкпен айқас қазақстандық боксшы үшін шамамен бір жарым жылдық үзілістен кейінгі алғашқы жекпе-жек болмақ. Еске салайық, Әлімханұлы Эрисланди Ларамен өтуі тиіс кездесудің алдында допингке байланысты уақытша шеттетілген еді. Кейін WBO ұйымы оның дисквалификация мерзімін мерзімінен бұрын тоқтатты.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Қызылжар
Каспий
Ертіс
Атырау
Алтай
Жетісу
Қайсар
