Ермаштың Бразилиядағы оқиғасы: 20 минут картинасыз тікелей эфир жүргізіп, Ұлттық арнаны "құтқарды"
6 қазанда боксшы IBO атағы үшін жекпе-жекке шығады
Белгілі қазақстандық боксшы Ангелина Лукас (10-1, 5 КО) Instagram парақшасында алдағы жекпе-жегі туралы мәлімдеме жасады. Ол 6 қазанда әлем чемпоны атағы үшін жұдырықтасады.
«Баршаңызға ассалаумағалейкум. 6 қазан күні IBO World әлем чемпионы атағы үшін жекпе-жегім өтеді! Өзімнің кім екенімді және қандай екенімді көрсетуге мүмкіндік берген әлемге шексіз ризамын. Өзім ұнататын ісім үшін, өз құқығым мен қорғайтын дүниелерім үшін күресемін. Сондай-ақ барлығы менің бокс тарихының бір бөлігі екенімді білетін болады. Мен бұл оқиғаға дайынмын және жеңіске жету үшін бәрін жасауым керек!
Мен бірнеше жыл бұрын осы атаққа және осындай жекпе-жекке дайын болдым. Мақсатыма сеніммен жетіп, мүмкіндікті күттім. Бала күнімнен бокспен айналыстым, 13 жасымнан бастап әуесқой бокста жүріп, шамамен 300 жекпе-жек өткіздім, әлем чемпиондарынан бастап, Олимпиада чемпиондарын да жеңдім. Бұл тәжірибе әрқашан менімен, қанымда, жүрегімде. Ол маған күш береді!
Кәсіпқой рингтегі төртінші жекпе-жегімде бірнеше мәрте әлем чемпионы атанған, 28 рет жеңіске жеткен тәжірибелі мексикалық Ана Аррасоламен шықтым, бірақ сенімді түрде жеңіп, WBC International титулын алдым. Кейін WBF және WIBF әлем чемпиондық атақтарын жеңіп алдым. Енді мен Қазақстан тарихында алғашқы абсолютті әлем чемпионы болуға ниеттімін және рингте барымды саламын! Бокс – менің өмірімнің мәні!», - деп жазды Ангелина Лукас.
IBO атағы үшін жекпе-жек 6 қазанда Бангкокта өтеді, ал оның қарсыласы аргентиналық Анахи Лопес болады.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
