29 жастағы былғары қолғап шебері әзірге әуесқой бокстан кетпейтінін айтты
Украиналық боксшы Александр Хижняк алдағы жылы кәсіби рингте дебют жасауды жоспарлап отыр. Сөйте тұра 29 жастағы былғары қолғап шебері әзірге әуесқой бокстан кетуді де ойлап отырған жоқ.
«Қазір қалпыма келіп, толыққанды жаттығуларға қайта кірістім. Келесі жылдан бастап кәсіби рингке шығамын деп үміттенемін, бұл ретте Олимпиада шаршы алаңындағы өнерімді де қатар алып жүргім келеді. Көптеген танымал промоутердің менімен келісімшарт жасасқысы келетінін естідім, оқып та жүрмін. Қазір Александр Усиктің командасымен бірге жаттығу жасап жүрмін, алдағы уақытта бірлесіп әрекет ететін де шығармыз», - деді Хижняк LuckyPunch порталына берген сұхбатында.
Александр Хижняк - 2024 жылғы Олимпиада чемпионы, сондай-ақ 2020 жылғы Олимпиаданың күміс жүлдегері. Соңғы Олимпиада финалында ол қазақстандық боксшы Нұрбек Оралбайды жеңіп, алтын медальға ие болған.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
