Қазақ футболшысы алаңда жарты сағаттан астам ойнады
Футболдан Ресей Суперкубогінің иегері анықталды. Бұл жолы да оны питерлік «Зенит» клубы жеңіп алды. Қазақ футболшысы Нұралы Әліп ойнайтын команда аталған трофейді осымен бесінші жыл қатарынан (2020-2024) иемденіп отыр.
Суперкубок үшін талас «Зенит» пен «Краснодар» арасында өткен болатын. Жанкүйерлер 90 минутта соғылған алты голдың куәсі болды.
Есепті 13-минутта «Зенит» қорғаушысы Родригао ашты. 33-минутта Вендел питерліктердің екінші голын соқса, 43-минутта Максим Глушенков таблодағы көрсеткішті 3:0-ге жеткізді.
Краснодарлық команда екінші таймда жинақы ойнады. Нәтижесінде 65-минутта Никита Кривцов есепті қысқартқан. Алайда, араға небәрі үш минут салып Глушенков «Краснодар» қақпасына төртінші голды соқты. 70-минутта Федор Смолов есепті тағы қысқартқан. Бірақ, одан әріге Мурад Мусаев шәкірттерінің қауқары жетпеді.
Айта кетейік, Нұралы Әліп матчтың 66-минутында алаңға шықты.
Актобе
Кайрат
Ордабасы
Елимай
Кайсар
Тобол
Астана
Атырау
Жетысу
Кызылжар
Туран
Женис
Шахтёр
-
