«Қайсар» жанкүйерлері Жасұлан Молдақараевқа бағыттап пластик бөтелке лақтырған
Қазақстан футбол федерациясының тәртіптік-бақылау комитеті бірқатар клубтарға айыппұл мен дисквалификация енгізді.
2025 жылдың 26 маусымында Қазақстан футбол федерациясының тәртіптік-бақылау және этика комитетінің отырысы өтті. Жиында Премьер-лиганың 13 және 25-турларындағы бірқатар тәртіп бұзушылықтар қаралып, шешімдер қабылданды.
13-тур: «Ақтөбе» - «Астана»
«Ақтөбе» клубының жанкүйерлері тарапынан ойын барысында және матч аяқталғаннан кейін бірнеше рет бейәдеп сөздер айтып, тәртіп бұзушылық жасағаны үшін,
«Ақтөбе» клубына 200 АЕК мөлшерінде айыппұл салынды — 786 400 теңге.
Айыппұл 2025 жылғы 26 шілдеге дейін төленуі тиіс.
13-тур: «Қайрат» - «Қызылжар»
«Қызылжар» ойыншысы Тоқтар Жаңғылышбай қарсыласын қолымен ұрып, қауіпті ойын көрсеткені үшін,
2 матчқа алаңнан шеттетілді (дисквалификация).
Шектеу мерзімі 2025 жылғы 22 маусымнан бастап есептеледі.
25-тур: «Қайсар» - «Ұлытау»
«Қайсар» жанкүйерлері қарсылас ойыншысы Жасұлан Молдақараевқа бағыттап пластик бөтелке лақтырып, оның бірі басына тигені үшін, «Қайсарға» 500 АЕК мөлшерінде айыппұл салынды — 1 966 000 теңге.
Айыппұл 2025 жылғы 26 шілдеге дейін төленуі тиіс.
Сонымен қатар:
«Ұлытау» ойыншысы Хосе Карильо Мансилия қарсыласқа гол соғу мүмкіндігін бұзғаны үшін бір матчқа дисквалификация алды.
Шектеу мерзімі 2025 жылғы 23 маусымнан бастап есептеледі.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
