Бас бапкер Азамат Тұяқбаевтың U19 командасына жіберу себебі туралы айтты
Алматылық «Қайрат» клубының бас бапкері Рафаэль Оразбахтин жартылай қорғаушы Азамат Тұяқбаевтың U19 командасына жіберу себебін және алдағы ойын алдында жас футболшыларды пайдалану жоспары туралы айтты. Бұл туралы футбол маманы ASnews.kz басылымына берген сұхбатында атап өтті.
«Тұяқбаев U19 құрамында ойнайды. Біз оның толық бір матч өткізгенін қалап отырмыз. Себебі негізгі командада ол тек 10-15 минут қана алаңға шығатын еді. Сондықтан бұл шешім оның дамуына пайдалырақ болады деп есептеп отырмыз», - деді Уразбахтин.
Бапкер жас ойыншылардың барлығы командаға қосылуға дайын екеніне тоқталып өтті.
«Жас жігіттердің бәрі де алаңға шығуды қалайды. Барлығы бар күшін салып дайындалып жатыр. Әрине, алаңда өзіміздің ойыншылар көбірек болса дейміз. Ертеңгі ойында жағдайға қарай бір-екеуіне мүмкіндік береміз. Себебі халықаралық деңгейде тәжірибе жинақтасын. Бәрін ойын көрсетеді», - деді бас бапкер.
«Қайрат» 5-нен 6 қарашаға қараған түні Миландағы әйгілі «Джузеппе Меацца» аренасында УЕФА Чемпиондар лигасының 4-турында италиялық «Интермен» ойын өткізеді.
Үш турдан кейін «Қайраттың» еншісінде әзірге 1 ұпай ғана бар. Бұл нәтижеге алматылық клуб Кипрдің «Пафосымен» (0:0) тең түскен матчтың арқасында қол жеткізді. Бұған дейін Оразбахтин шәкірттері мадридтік «Реалға» (0:5) және лиссабондық «Спортингке» (1:4) жол берген еді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
