Ол өзіне қатысты ақпаратты растағандай болды.
UFC-дің орта салмақтағы чемпионы Хамзат Чимаев келесі жекпе-жегінде жартылай ауыр салмақтағы белбеуге таласуы мүмкін екенін растағандай болды. Бұл туралы «Борздың» өзі Майкл Биспингке берген сұхбатында айтты.
Биспингтің «жартылай ауыр салмаққа көтеріліп, ол жақта да чемпион болғың келе ме?» деген сұрағына Чимаев былай деп жауап қатты:
«Бәлкім қазірдің өзінде сол дивизионда шығармын. Алекс Перейра әлі жауап берген жоқ, бірақ көре жатармыз – мүмкін басқа біреу шығып қалар. Маған бәрібір, бастысы екі дивизионның чемпионы болғым келеді. Одан кейін орта салмаққа қайта оралуым мүмкін немесе ауыр салмаққа көтерілуім ықтимал. UFC-ден жеңіліссіз кетсем деген мақсатым жоқ. Маған бәрібір, айтулы жекпе-жектерге шықсам болды. Үш салмақ дәрежесінде чемпион бола аламын ба, оны бір Алла біледі, дегенмен тырысып көреміз».
Инсайдерлік ақпаратқа сүйенсек, Хамзат 11 сәуірде Майамиде өтетін UFC 327 турнирінің басты жекпе-жегінде Иржи Прохазкамен кездесуі мүмкін. Бұл айқаста 93 келідегі чемпиондық титул сарапқа салынады деген мәлімет бар.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
