Уланбеков Мақсұм мансабындағы ең ауыр қарсылас болғанын айтқан
UFC-де аса жеңіл салмақ дәрежесінде өнер көрсететін қазақстандық файтер Азат Мақсұм (15-2) Тагир Уланбековтің (17-2) жекпе-жектен кейінгі мәлімдемелеріне қатысты пікір білдірді.
Еске салайық, екі спортшы Бакуде (Әзербайжан) өткен UFC турнирінде жекпе-жекке шықты. Үш раундқа созылған кездесуде төрешілер бірауыздан жеңісті дағыстандық спортшыға берді.
Алайда бұл шешім жанкүйерлер арасында қызу талқыға түсіп, көпшілік төрешілердің шешімін әділетсіз деп бағалады. Жекпе-жектен кейін Уланбеков Мақсұм мансабындағы ең ауыр қарсылас болғанын айтқан. Алайда бір күннен соң ресейлік файтер сөзінен тайқып, мұның бәрі эмоцияның әсері екенін, шын мәнінде жекпе-жек аса қиын соқпағанын жеткізді.
Ал Азат Мақсұм екі сөйлеген Тагирді сынады.
«Мұны естігенде таңғалдым. Бір рет айтты ғой, сол жеткілікті еді, екінші рет қайталаудың керегі не? Жекпе-жектен кейін өзі келіп, менің оған ең ауыр қарсылас болғанымды алға тартты. Ал енді келіп басқаша сөйлейді. Үндемей-ақ қойғаны дұрыс еді. Бұл сөздері өзіне ғана зиянын тигізіп отыр», – деді Мақсұм Azamat Sport YouTube арнасына берген сұхбатында.
Айта кетейік, сол күні Азат кәсіби мансабында екінші рет ұтылды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
