Таха Ақгүл Рио Олимпиадасында чемпион атанған
Еркін күрестен Олимпиада чемпионы атанған түркиялық балуан Таха Ақгүл сәуір айында Қызылорда қаласына келеді.
Түріктің белгілі спортшысы сыр елінде өтетін шараға құрметті қонақ ретінде шақырылған. Бұл ұсынысқа бүгінде Түркияның күрес түрлері федерациясының президенті лауазымын атқаратын Таха Ақгүл келісім берген.
Аталған жағдай туралы еліміздің грек-рим, еркін және әйелдер күресі федерациясының вице-президенті Дәурен Жабасов мәлімдеді.
«Олимпиада чемпионы, Түркия күрес федерациясының президенті Таха Ақгүл 17-20 сәуірде Қызылордада өтетін турнирге қонақ болып келетінін айтты», - деп жазды Д.Жабасов желідегі ресми парақшасында.
Таха Ақгүл Рио Олимпиадасында чемпион атанған. Сондай-ақ, ол Токио және Рио Олимпиадасында қола жүлде еншіледі. Әлем чемпионатының финалына бірнеше рет шығып, 3 рет алтын, 2 рет күміс медаль иеленді. Сондай-ақ, Еуропаның 11 дүркін чемпионы атанды.
2024 жылы Париж Олимпиадасында қола жүлде үшін белдесуде қырғыз балуанын ұтқан Таха Ақгүл спорттық мансабын аяқтайтынын мәлімдеген еді.
