Бейбіт Жұқаев Мексикадағы теннис турнирін сәтсіз аяқтады

02.04.2025, 01:34

Бүгін Қазақстанның үш бірдей теннисшісі жеңілді

Бейбіт Жұқаев Мексикадағы теннис турнирін сәтсіз аяқтады
Қазақстан теннис федерациясы

Қазақстандық теннисші Бейбіт Жұқаев Мексикадағы турнирдің 1/16 финалында канадалық Алексис Галарномен шеберлік байқасып, жеңіліп қалды.

Әлемдік рейтингте 192-ші сатыға жайғасқан Қазақстан теннисшісі қарсыласына 1:2 есебімен есе жіберді.

Жұқаев бірінші сетте 6:7 есебімен жеңілді. Кезең өте тартысты өтіп, тай-брейкте канадалық теннисші 9:7 есебімен алға шықты. 

Екінші сет те тай-брейкке ұласқан. Дегенмен, бұл жолы қазақстандық теннисші 12:10 есебімен жеңіп кетті. 

Ал, шешуші үшінші сетте Жұқаев шаршап қалса керек, Галарно 6:3 есебін тіркеп, жеңісті жұлып алды.

Естеріңізде болса, Бейбіт Жұқаев наурыз айының соңында Мексикадағы кезекті турнирде жартылай финалға дейін жеткен еді. Ол жауапты сында Аустралия өкілі Джеймс Дакворттан 2:0 есебін жеңілген.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам