Бүгін жеңілген екі теннисші де Ресейден келген легионерлер
Қазақстандық теннисші Тимофей Скатов (ATP рейтингінде 174-орын) Румыния астанасы Бухарестте өтіп жатқан турнирде турнирінде жеңіліп қалды.
Турнирдің іріктеу кезеңінде қазақстандық теннисші швецариялық 40 жастағы Станислав Вавринкамен (161-орын) кортқа шыққан болатын. Матч 3 сағат 16 минутқа созылып, 2:1 есебімен аяқталды.
Алғашқы сетте Вавринка 6:4 есебімен басым түссе, екінші кезеңде Скатов 6:7 есебін тіркеп, нәтижені теңестірді. Алайда, шешуші сетте швецариялық теннисші 7:6 есебімен жеңіске жетті. Тай-брейкте отандасымыз осалдық танытты.
Ерлер арасында әлемдік рейтингте 174-ші сатыға жайғасқан Скатов бұған дейін квалификациялық сында молдовалық Раду Алботты 2:0 есебімен жеңген еді.
Дәл осы турнирде өнер көрсеткен Александр Шевченко (105-орын) да бірінші айналымнан ары аса алмады. Қазақстандық теннисші әлемдік рейтингте 232-орында тұрған аустриялық Филип Мисоличтен 0:2 (3:6, 4:6) есебімен жеңілді.
