Қазақстандықтар Өзбекстан, Иран және Аустралия командаларымен бақ сынайды
Малайзияның Кучинг қаласында теннистен 14 жасқа дейінгі жасөспірімдер арасындағы World Junior Tennis Competition әлем чемпионатының Азия/Мұхит аймағындағы топтық іріктеу кезеңіне жеребе тарту рәсімі өтті.
Қазақстандық теннисшілер D тобында Өзбекстан, Иран және Аустралия командаларымен бақ сынайды.
Алғашқы матч Өзбекстанға қарсы өтеді. Іріктеу кезеңінің қорытындысы бойынша әлем чемпионатына төрт команда жолдама алады.
Ел намысын бұл беделді командалық турнирде Ясмин Дүйсембаева, Тамина Сәкен және Мариям Нұржан қорғайды.
