Серік Қонақбаев қазақстандық кәсіпқой боксшыларға жекпе-жек алдында қолдау көрсетті

1980 жылы Мәскеуде өткен Олимпиада ойындарының күміс жүлдегері Серік Қонақбаев Нұрдос Төлебай мен Армат Арманұлының жаттығу лагеріне арнайы барып, спортшыларға кеңесін айтты.

Бұл ретте Қонақбаев жас боксшылардың спарринг-кездесулерін бақылап, олардың физикалық дайындықтарын жоғары бағалаған. Сондай-ақ, Таиландта өтетін маңызды жекпе-жектер алдында игі тілегін білдірген.

Қазіргі уақытта жас спортшылардың дайындығына кәсіби бокста танымал болған Асхат Уалиханов жауапты ретінде бекітілген.

Естеріңізге сала кетейік, Нұрдос Төлебай мен Армат Арманұлы 1 ақпан күні Таиландтың Бангкок қаласында Irfin Promotions және TL Boxing Promotion ұйымдастыратын бокс кешінде өнер көрсеткелі отыр.