Катар футболдан Азия кубогін жеңіп алды
10.02.2024, 23:05
Төреші Иорданияның қақпасына үш пенальти белгіледі
Getty Images
Футболдан Азия кубогінің иегері анықталды. Катарда өткен құрлық бәсекесінің финалында Катар мен Иордания кездесіп, жарыс қожайындары 3:1 есебімен жеңіске жетті.
Матчтың 21-минутында иорданиялық қорғаушылар өз айып алаңында ереже бұзып, Акрам Афиф 11 метрлік айып добын дәл орындады. 67- минутта Язан әл-Наймата есепті теңестіргенімен, араға бес минут салып Катар тағы да пенальти тебуге мүмкіндік алды. Бұл жолы да Афиф мүлт кеткен жоқ. Ал, 90+4 минутта төреші Иорданияның қақпасына тағы пенальти белгілеп, Афиф хет-трик авторы атанды.
Айта кету керек, Катар құрамасы Азия кубогін 2019 жылы да жеңіп алған болатын. Ол кездегі жарыс Біріккен Араб Әмірліктерінде өткен.