«Елімайға» жаңа келген африкалық футболшы қашып кетті
Ол бүкіл затын қонақ үйге тастап кеткен
Семейлік «Елімай» футбол клубына жаңа келген гамбиялық легионер Бубакар Травалли команда сапына қосылмай жатып қашып кетті. Бұл туралы «Серый CARDINAL» Telegram-каналында жазылған.
«Гамбия құрамасының футболшысы Бубакар Травалли «Елімайға» келіп, бапкерлердің қарауынан өтуі керек болған. Алайда, ол түнде қонақ үйде бүкіл затын тастап, өзі қашып кеткен. Оның қайда кеткені және не себепті кеткені әзірге белгісіз», - делінген аталған хабарламада.
Айта кету керек, шетелдік ойыншылардың Қазақстанның қашып кету жағдайы бұған дейін де тіркелген. Мәселен, 2016 жылы «Челсидің» екі шәкірті «Ақтөбе» клубымен оқу-жаттығу жиынында жүріп қашып кетсе, одан алты жыл алдын испандық Хуан Безарес те дәл осы клубтан ешкімге айтпай кетіп қалған.