Қазақ бапкері Туниске Олимпиаданың алтынын алып берді
10.08.2024, 01:37
Қазақстанда маманды бағалай алмады ма?
Reuters
Париж Олимпиадасында таэквондодан ерлер арасында 80 келіге дейін салмақта жеңімпаз анықталды. Ол – қазақ бапкері Есбол Сұлтанов жаттықтыратын тунистік Фирас Катусси.
Фирас финалда Ираннан келген Мехран Бархордариден басым түсті. Қорытынды есеп – 2:0.
Бұған дейін Тунистен 58 келі салмақ дәрежесінде жекпе-жекке шыққан Мохамед Халил Джендуби қола медаль еншілеген болатын.
Айта кетейік, тунистік таээквондошыларды қазақстандық маман Есбол Сұлтанов жаттықтырады. Ол 2023 жылдың қыркүйек айында бас бапкер болып тағайындалған. Париждегі Олимпиада ойындарына Тунистен төрт шәкіртін алып келді.