Елена Рыбакина Абу-Дабидегі турнирді жеңіспен бастады
08.02.2024, 21:00
Ол Australia Open турнирінде жеңілгеннен кейін алғаш рет кортқа шықты
Australian Open
Абу-Даби қаласында басталған теннистен WTA 500 - Mubadala Abu Dhabi Open турнирін қазақстандық теннисші Елена Рыбакина (WTA рейтингінде 5-орын) жеңіспен бастады.
Жарысты екінші айналымнан бастаған Рыбакина америкалық Даниэль Коллинзбен (71-орын) кортқа шыққан. Бірінші сетте Елена 4:6 есебімен жеңілгенімен, қалған екі сетте 6:3, 6:3 есебімен қарсыласынан басым түсті.
Матч 2 сағат 20 минутқа созылды. Қазақстандық теннисші 3 эйс жасап, мүлдем дабл-фол жасамады.
Екі теннсиші өзара төрт рет кездескен. Оның үшеуінде Рыбакина жеңсе, біреуінде Коллинздың мерейі үстем болған.
Ширек финалда жерлесіміз Кристина Буча (Испания) – Хизер Уотсон (Ұлыбритания) жұбының жеңімпазымен ойнайды.