Черчесовтың түбіне «қазақ тілі» жетті ме? Жаңа бапкерге – жаңа талап. Қазақты мазақ қылғандар туралы
Келесі матч тағы бір аутсайдерге қарсы өтеді
ВТБ Бірыңғай лигасында өнер көрсететін «Астана» баскетбол клубы биылғы маусымдағы алғашқы жеңісіне қол жеткізді. Өз алаңында «Самараны» қабылдаған елордалықтар 73:67 есебімен басым түсті.
Айта кету керек, «Астана» БК осы маусыда барлығы 28 ойын өткізіп, соның 27-де жеңілген болатын. Бұл осынау лига тарихындағы антирекорд – яғни, ең нашар көрсеткіш.
Ойынның бірінші кезеңінде «Самара» есепте басым болғанымен, қалған үш кезең бойы астаналықтар қателікке жол бермеді: сауатты қорғанып, нәтижелі шабуылдады (16:24, 24:15, 17:15, 18:13).
«Астана» сапынан ең көп ұпайды Григорий Мотовилов жинады – 23. Сондай-ақ, Даниель Утоми – 13, Рустам Мурзагалиев – 11, Данила Походяев – 7, Андрей Десятников пен Вадим Щербак – 6, Галлин Смит – 4, Руслан Айтқали – 3, Асқар Майдекин – 2 ұпайдан еншіледі.
Келесі матчты «Астана» 1 ақпан күні өз алаңында мәскеулік МБА-мен кездеседі.
