Ерсін Ерік «Реалды» қор қылды. Тауық сойса да қасап сойсын. Саусақ пен тіл үйлескенде…

Алматыда ауруханаға емес, маскүнемдерді сауықтыру орнына апарған бокс бапкері көз жұмды

29.11.2025, 12:09

Жандос Қуаныш 1 қарашада шәкірттерімен бірге Алматыға жарысқа барған

Алматыда ауруханаға емес, маскүнемдерді сауықтыру орнына апарған бокс бапкері көз жұмды
әлеуметтік желі

26 жастағы Батыс Қазақстан облысынан келген бокс жаттықтырушысы Алматыда қайтыс болды. Туыстарының айтуынша, ауыр халде жатқан жігітке дер кезінде медициналық көмек көрсетілмей, оны аурухана орнына маскүнемдерді сауықтыру орнына жеткізген.

Жандос Қуаныш 1 қарашада шәкірттерімен бірге Алматыға жарысқа барған. Келесі күні қаладағы дәмханалардың біріне кіріп, тамаққа тапсырыс беріп отырған сәтте кенеттен жағдайы нашарлаған. Бейнебақылау жазбаларында оның жай ғана үстелге отырғаны көрінеді.

Анасы Жанаргүл Махмутованың айтуынша, Жандос кенеттен құсып, есінен танып қалған. Бірақ дәмхана қызметкерлері жедел жәрдем шақырудың орнына полицияға хабар берген. Отбасының айтуынша, келген полицейлер де медициналық көмек көрсетуді ұйымдастырмай, оны «мас күйде» деп қабылдап, маскүнемдерді сауықтыру орнына апарған.

3 қараша күні анасы ұлына қайта-қайта хабарласқанымен, Жандос телефон көтермеген.

«Телефонды бір адам көтеріп, өзін учаскелік полицеймін деп таныстырды. “Телефонды тауып алдым, бәрі жақсы” деді. Кейін барып қана Жандостың маскүнемдерді сауықтыру орнында жатқанын айтты», – дейді анасы.

Туыстары бірден наркологиялық орталыққа хабарласып, оның ішімдік ішпейтінін, темекі тартпайтынын, ешқандай зиянды зат қолданбайтынын жеткізген. Сол күні жақыны барып, Жандосты алып, дереу ауруханаға жеткізген.

Дәрігерлер оның миына қан құйылғанын анықтап, шұғыл ота жасаған. Алайда спортшы комаға түсіп, сегіз күннен кейін көз жұмған.

Отбасы дер кезінде медициналық жәрдем көрсетілгенде Жандос аман қалуы мүмкін еді деп есептейді. Қазір полицияда қызметтік тексеріс жүргізіліп, қызметкерлердің әрекеттері тексерілуде.

Бұл туралы не ойлайсыз?
Ұнайды 0
Ұнамайды 2
Күлкілі 0
Ашулану 1

Материалда:

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам