Ал өзбек спортшыларының көпшілігі Қазақстан құрамасынан Махмұд Сабырханның мықтылығына тоқталған
Ташкентте өтіп жатқан Қазақстан және Өзбекстан бокс құрамаларының бірлескен оқу-жаттығу жиындары аясында боксшылар арасында сауалнама ұйымдастырылып, қатысушылардан екі құрамадағы үздік спортшыларды атауды сұраған.
Өзбекстан бокс федерациясы ұйымдастырған сауалнамада Махмұд Сабырхан, Сәкен Бибосынов, Ертуған Зейнуллинов пен Оразбек Асылқұлов өзбек боксшылары арасынан екі дүркін Олимпиада чемпиондары Хасанбай Дусматов пен Баходир Жалоловты ерекше атап өткен.
Ал өзбек спортшыларының көпшілігі Қазақстан құрамасынан Махмұд Сабырханның мықтылығына тоқталған. Сонымен қатар Сәкен Бибосынов пен Нұрбек Оралбай да мықты былғары қолғап шеберлері екенін айтты.
Дегенмен Өзбекстан құрамасының мүшесі Асадхужа Муйдинхужаев нақты боксшының атын атаудан бас тартты. Бұл жанкүйерлердің ашуын туғызып, ол үшін ең қауіпті қарсылас Асланбек Шымбергенов болғанын еске салды. Себебі өзбек боксшысы осы уақытқа дейін Асланбекті жеңе алмаған.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
