Жақпековті жеңімпаз деп тапты
Қазақстандық боксшы Ерасыл Жақпеков Дубайда (БАӘ) Халықаралық бокс қауымдастығының (IBA) ұйымдастыруымен өтіп жатқан әлем чемпионатындағы алғашқы жекпе-жегін сенімді түрде жеңді.
1/16 финалда 80 келіге дейінгі салмақ дәрежесінде ол Буркина-Фасо елінің өкілі Эбенезер Тене Гесвенде Зугранамен жұдырықтасып, кездесуді бірінші раундта-ақ тәмамдады. Қарсыласы үш рет нокдаунға түскеннен кейін рефери жекпе-жекті тоқтату туралы шешім қабылдап, Жақпековті жеңімпаз деп тапты.
2024 жылғы жастар арасында Азия чемпионы және 2025 жылғы Қазақстан чемпионы атанған Ерасыл Жақпеков осылайша келесі кезеңге жолдама алды. Ал оның қарсыласы әлем чемпионатындағы жорығын тоқтатты.
Айта кетейік, Қазақстан құрамасы әлем біріншілігіне барлық 13 салмақ дәрежесі бойынша қатысып жатыр. Бұған дейін аса ауыр салмақта Магамед Юсупов пен 67 келінің өкілі Санатәлі Төлтаев жеңіске жетті.
Әлем чемпионаты 13 желтоқсанға дейін жалғасады. Турнирдің жалпы жүлде қоры - 8,32 миллион доллар.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
