Бұл жеңістен кейін Бек Нұрмағанбеттің кәсіби рингтегі көрсеткіші 17 жеңіске жетті
Қазақстандық кәсіпқой боксшы Бек Нұрмағанбет Сауд Арабиясының Эр-Рияд қаласында өткен бокс кешінде кезекті жеңісіне қол жеткізді.
Екінші орта салмақта өнер көрсететін Нұрмағанбет мексикалық Маркос Родригеспен жұдырықтасты. Он раундқа жоспарланған жекпе-жек бірінші раундта-ақ аяқталды. Алдымен қазақстандық боксшы қарсыласын нокдаунға түсіріп, артынша жойқын соққылар сериясымен ауыр нокаутқа жіберді. Төреші мексикалықтың жағдайын ескеріп, есеп ашпай-ақ жекпе-жекті тоқтатты.
Бұл жеңістен кейін Бек Нұрмағанбеттің кәсіби рингтегі көрсеткіші 17 жеңіске жетті. Оның 15-і нокаутпен аяқталған. Ал Маркос Родригес мансабындағы төртінші жеңілісіне ұшырады.
Айта кетейік, Нұрмағанбет мексикалық Сауль «Канело» Альварестің спарринг-серіктесі әрі командасының мүшесі саналады. Ол Эр-Риядтағы бокс кешінде «Мексика құрамасы» жазуы бар жейдемен шаршы алаңға шықты. Кештің басты жекпе-жегінде «Канело» француз Кристиан Мбиллимен чемпиондық атақ үшін кездеседі.
Нұрмағанбеттің жарқын жеңісіне қарамастан, оның қарсыластарының деңгейі туралы сұрақ туындайды. Қазақстандық боксшы соңғы жекпе-жектерінде айқын басымдық танытып жүр. Ендігі кезекте оған шын мәнінде мықты қарсыластармен кездесіп, әлемдік деңгейдегі белбеулерге таласуға мүмкіндік берілуі керек.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Жеңіс
Каспий
Қызылжар
Ертіс
Алтай
Атырау
Жетісу
Қайсар
