Жаңа конкурс! Видеоны көріп, конкурстың шартымен танысып 5000 теңге ұтып ал!

IBA-ның «Чемпиондар түнінде» Данияр Елеусінов жұдырықтаспайтын болды

24.04.2024, 16:07

Жарыстан түскен қаражат су тасқынынан зардап шеккендерге жұмсалады

IBA-ның «Чемпиондар түнінде» Данияр Елеусінов жұдырықтаспайтын болды
IBA

27 сәуірде Алматыда кәсіпқой бокстан «IBA-ның Чемпиондар түні» кеші өтеді. Оған Қазақстанның және әлемнің үздік боксшылары қатысады.

Әу баста басты жекпе-жекте еліміздің даңқты боксшысы, Олимпиада чемпионы Данияр Елеусінов пен әлем чемпионатының күміс жүлдегері, Азияның екі дүркін чемпионы, өзбекстандық Саиджамид Джафаров кездеседі деп күтілген.

Алайда, қазақ боксшысы жарақатына байланысты қатыса алмайтынын айтты. Сонымен қатар, бокс кешінің басталуына санаулы күндер қалғанда тағы бірнеше өзгерістер болды. 

Сонымен, «Чемпиондар» түнінде толық тізім өзгерді. Енді Елеусіновтің орнына бірінші орта салмақта IBA Asian титулына тағы бір қазақ боксшысы Талғат Шәйкен таласады. Одан өзге жұптар мынандай:

  • Бекзат Нұрдәулетов – Луис Антонио Техеда (Доминикан Республикасы) – жартылай ауыр салмақта;
  • Әли Ахмедов – Карлос Риверо (Венесуэла) – екінші орта салмақ;
  • Абель Мина (Эквадор) – Магомед Мадиев (Ресей) – орта салмақ;
  • Фарух Тоқтасунов – Юрий Осипов (Ресей) – бірінші орта салмақ;
  • Бекман Сойлыбаев – Давит Азизян (Армения) – жеңіл салмақ;
  • Теміртас Жүсіпов – Анвар Ходжиев (Қырғызстан) – ең төменгі салмақ;
  • Адлан Селмурзаев – Артуш Оганисян (Армения) – жартылай ауыр салмақта.

Ұйымдастырушылар 27 сәуірде өтетін турнирдің билеттерін сатудан түскен қаражатты Қазақстандағы су тасқынынан зардап шеккендерге көмек ретінде аударатынын хабарлады.

Бұған дейін осындай бокс кеші былтыр желтоқсан айында Астанада өткен.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам