Ұлттық құрамада жарысты жалғастыратын үш-ақ боксшы қалды
Париж Олимпиадасында Қазақстан бокс құрамасының қатары тағы сиреді. Бұл жолы -92 келіде өнер көрсететін Айбек Оралбай Әзірбайжан боксшысы Альфонсо Домингестен жеңілді.
Бірінші раунд Айбектің басымдығымен өткен. Қазақ боксшысы сенімді қозғалып, қарсыласына ауыр соққыларын бірнеше рет тигізе алды. Нәтижесінде төрешілер раундта 4:1 есебін тіркеді.
Алайда, қалған екінші және үшінші раундта Әзірбайжанның кубалық боксшысы қашықтықта жақсы жұдырықтасып, Айбектің соққылары ауа қармап қалып жатты.
Осылайша төрешілер қорытынды нәтижеде 3:2 есебін тіркеп, жеңісті Домингеске берді.
Айта кету керек, қазақстандық команданың ширек финалдағы алғашқы жекпе-жегі болатын. Бұған дейін үш боксшымыз бірінші айналымда-ақ жеңіліп қалған. Енді Сәкен Бибосынов (51 кг), Мұхмедсабыр Базарбайұлы (63,5 кг) және Нұрбек Оралбай (80 кг) Олимпиада жүлдесі үшін таласатын болады.
Ордабасы
Актобе
Елимай
Кайрат
Астана
Тобол
Атырау
Кайсар
Жетысу
Кызылжар
Туран
Женис
Шахтёр
-
