Усик жыл боксшысы атанды

Алия Алиева

Автор

12.01.2025, 17:27

Украиналық кәсіпқой бокста 23 жекпе-жек өткізіп, соның 14-ін нокаутпен аяқтады

REUTERS / Andrew Couldridge

Жеңілмеген украиналық Александр Усик The Ring журналының нұсқасы бойынша жыл боксшысы атанды.

2024 жылы Усик британиялық Тайсон Фьюримен екі кездесу өткізіп, екеуінде де төрешілердің ортақ шешімімен жеңіске жетті. Алғашқы айқастан соң аса ауыр салмақта абсолютті әлем чемпионы атанғанымен, көп ұзамай-ақ IBF титулынан бас тартты.

Украиналық кәсіпқой бокста 23 жекпе-жек өткізіп, соның 14-ін нокаутпен аяқтады.

Өзге номинациялар бойынша жеңімпаздар:

Жыл нокауты: Дэниел Дюбуа – Энтони Джошуа (бесінші раунд);
Жыл оралуы: Билли Диб;
Жыл апсеті: Бруно Сурас – Хайме Мунгия (алтыншы раунд);
Жыл раунды: Александр Усик - Тайсон Фьюридің алғашқы айқасының тоғызыншы раунды;
Жыл бапкері: Роберт Гарсия;
Жыл оқиғасы: Александр Усик - Тайсон Фьюридің алғашқы айқасы;
Жыл жекпе-жегі: Рэймонд Форд – Отабек Холматов;
Жылдың әйел боксшысы: Габриэла Фундора;
Бокста «Өмір бойғы жетістігі үшін» сыйлығы: Дон Кинг.